Пытаньне

Якія ёсьць грахі супраць гэтага слова?

Адказ

Першы грэх – пагарджаць Эвангельскім служэньнем, значыць, або нiколi, або зрэдку слухаць Божае Слова.

Другі грэх – ня ўдзельнічаць у таямніцах Хрыстовых.

Трэці грэх – пакiдаць прапаведаньне Божага Слова або нядбала яму навучаць.

Чацьвёрты грэх – пастанаўляць бязбожныя парадкі, якiя зьнішчаюць правiльнае вучэньне.

Пяты грэх – у днi сьвятыя банкетаваць, судзіць няпiльныя суды, хадзіць на забавы, час марнаваць, рабіць штодзённыя справы, не разважаючы пра справы Божыя.

Шосты грэх – зводзіць кагосьці ад слуханьня настаўленьняў цi даваць камусьці падставы няправільна іх разумець.

Сёмы грэх – рабіць у гэты дзень усякія справы, што зводзяць ад слуханьня ды разважаньня Божага Слова, напрыклад, у сьвяты дзень гандляваць, аддаваць даўгі, зьбіраць копы, ехаць у дарогу, паляваць або зьвера лавіць ды падобнае.

Восьмы грэх – ствараць перашкоды, каб не было каму вучыць Божаму Слову, ці то абражаючы гонар служыцеляў, ці то забіраючы іхнія прыбыткі.

Дзевяты грэх – абцяжарваць падданых вялiкай працай, з-за якой яны ня мелі б часу прыходзіць да царквы.