Плян мерапрыемстваў
Аргкамітэту па сьвяткаваньні
450-х угодкаў Рэфармацыі ў Беларусі

Культурна-асьветная дзейнасьць

• Правядзеньне канцэртаў, прысьвечаных Рэфармацыі;
• Мастацкая выстава, прысьвечаная Рэфармацыі;
• Выпуск дыска сярэднявечнае музыкі;
• Мемарыялізацыя мясьцінаў, зьвязаных з Рэфармацыяй у Беларусі;
• Правядзеньне дзіцячага літаратурна-мастацкага гістарычнага конкурсу, прысьвечанага 450-годзьдзю Рэфармацыі ў Беларусі;
• Правядзеньне конкурсу на лепшую публікацыю ў СМІ, прысьвечаную Рэфармацыі;
• Правядзеньне конкурсу сярод мастакоў і скульптараў на лепшы мастацкі твор, прысьвечаны Рэфармацыі;
• Арганізацыя фэстывалю мастацкіх калектываў;
• Правядзеньне акцыі "Біблія ў кожны дом";
• Правядзеньне круглага стала "Традыцыі талерантнасьці ў Вялікім Княстве Літоўскім. Культурна-філязофскі аспэкт" з удзелам навукоўцаў і грамадзкіх дзеячаў;
• Выпуск значыкаў, керамічных мэдалёў;
• Правядзеньне творчых сустрэчаў паэтаў і пісьменьнікаў, прысьвечаныя Рэфармацыі.

Навукова-адукацыйная дзейнасьць

• Правядзеньне ў Менску й рэгіёнах сэрыі лекцыяў, прысьвечаных розным аспэктам Рэфармацыі;
• Правядзеньне конкурсу сярод студэнтаў і маладых навукоўцаў "Рэфармацыя і Рэнэсанс у Беларусі. ХVІ ст.";
• Правядзеньне Міжнароднай канфэрэнцыі "Тэалёгія пратэстантызму XVI ст. у ВКЛ";
• Правядзеньне міжнароднай канфэрэнцыі "450 гадоў Рэфармацыі ў Беларусі";
• Правядзеньне тэалягічнай канфэрэнцыі.

Выдавецкая дзейнасьць

• Выпуск календароў і каляндарыкаў, прысьвечаных 450-годзьдзю Рэфармацыі ў Беларусі;
• Выпуск паштовак;
• Выданьне брашуры "Галоўныя падзеі Рэфармацыі";
• Выданьне брашуры "Дзеячы Рэфармацыі";
• Выданьне кнігі пра Мікалая Радзівіла Чорнага;
• Выданьне ў сэрыі "Беларускі кнігазбор" кнігі Крыштафа Монвіда Дарагастайскага "Гіпіка, альбо аповед пра коней" у перакладзе С. Ішчанкі;
• Выданьне грамадзка-палітычных трактатаў Андрэя Воляна;
• Выданьне кнігі "Кронікі Залатога Веку";
• Выданьне "Катэхізісу" Сымона Буднага;
• Выданьне Новага Запавету на беларускай мове.

Інфармацыйная дзейнасьць

• Стварэньне вэб-сайту Аргкамітэту;
• Публікацыі артыкулаў, інтэрвію зь сябрамі Аргкамітэту, прысьвечаных Рэфармацыі ў Беларусі;
• Арганізацыя спэцыяльных выпускаў рэспубліканскай газэты і часопісу, прысьвечаных Рэфармацыі ў Беларусі.