Зварот нацыянальнага грамадзкага аргкамітэту
па cьвяткаваньні
450-х угодкаў Рэфармацыі ў Беларусі

Кожны народ мае ў сваёй гісторыі пэрыяды, да якіх наступныя пакаленьні зьвяртаюцца ў пошуках сваіх каранёў, сваіх ідэалаў. Для Беларусі гэта XVI стагодзьдзе, Залаты Век нашай Бацькаўшчыны, час, які нарадзіў сапраўдных тытанаў духу, асьветнікаў і дзяржаўных дзеячоў: Франьцішка Скарыну, Сымона Буднага, Васіля Цяпінскага, Мікалая Радзівіла Чорнага, Льва Сапегу, Астафея Валовіча. Гэта эпоха Рэфармацыі і Адраджэньня, якія ў Беларусі ішлі побач. Немагчыма ўявіць Адраджэньне без Рэфармацыі ці Рэфармацыі без Адраджэньня. Рэфармацыя стала адной з прычынаў імклівага развіцьця культуры, эканомікі, філасофскай і юрыдычнай думкі. У той час у нашай краіне сфармавалася ўнікальная для Эўропы рэлігійная талерантнасьць, якая стала адной з галоўных каштоўнасьцяў беларускага грамадзтва.

У 2003 г. спаўняецца 450 гадоў з пачатку шырокага распаўсюджваньня ў Беларусі рэфармацыйных ідэяў, якія да сёньня не згубілі сваёй актуальнасьці. У гэты юбілейны год зьвернемся да нашых каранёў, паглядзім на старадаўныя шляхі, каб у сучаснасьці знайсьці той шлях, які дазволіць Беларускаму народу заняць годнае месца ў эўрапейскай дэмакратычнай супольнасьці.

Аргкамітэт

Плян дзейнасьці Аргкамітэту

Выніковы прэс-рэліз

Падзеі Года Рэфармацыі