Мандат на збор у Віцебску з дня 14 чэрвеня 1562 году

Жыгімонт Аўгуст,
Божай міласьцю кароль польскі, вялікі князь літоўскі,
рускі, прускі, жамойцкі і іншых.

Ваяводу віцебскаму, князю Сьцяпану Андрэевічу Збаражскаму.

Прыслалі да нас баяры, шляхта, бурмістры, райцы і мяшчане тамашнія віцебскія, б'ючыя чалом, абы ў тамашнім месце Віцебскім дазволілі ім дзеля навучаньня дзяцей і хаджэньня слухаць Слова Божае дом збудаваць і прапаведніка мець. Паколькі такое ў дзяржавах нашых з вядомых прычынаў нікому не забаронена, таму па чалабітнай іх дазволілі ім у месце Віцебскім мець прапаведніка і збудаваць дом для хаджэньня іх на малітву і для навучаньня дзяцей. Твая Міласьць, тое ведаючы, няхай ім не забараняе і ніякіх перашкодаў ня чыніць прапаведніка мець, і той дом будаваць, і на малітву зыходзіцца. А каб у касьцёлах рымскіх і ў цэрквах рускіх звычаяў і справаў даўніх адмяняць яны ня маглі, тое япіскап няхай сьцеражэ.

Пісана ў Вільні, лета Божага Нараджэньня тысяча пяцьсот шэсьцьдзесят другога, месяца чэрвеня чатырнаццатага дня.

Жыгімонт Аўгуст REX
Астафей Валовіч