25.01.2003. "Згуртаваньне беларусаў сьвету "Бацькаўшына" абвесьціла рэспубліканскі дзіцячы гістарычны літаратурна-мастацкі конкурс "Беларусь. Гістарычныя вандроўкі"

Міжнароднае грамадзкае аб'яднаньне "Згуртаваньне беларусаў сьвету "Бацькаўшчына" запрашае школьнікаў Беларусі 12-14 гадовага ўзросту ўзяць удзел у конкурсе "Беларусь. Гістарычныя вандроўкі".

Конкурс праводзіцца па намінацыях:
• Творы на гістарычную тэму: пра значныя падзеі, славутыя асобы гісторыі Беларусі, гістарычныя помнікі (сачыненьне, баляда, паэма, вершы, паданьне).
• Жывапісныя творы, прысьвечаныя гістарычным падзеям, славутым асобам, помнікам гісторыі. (Фармат графічных і жывапісных працаў - да 70см па вялікаму боку. Кожная праца павінна быць падпісана друкаваным шрыфтам на зваротным баку).

Калектыўныя працы павінны мець суправаджальны ліст. Усе працы павінны мець зваротны адрас, прозьвішча й імя ўдзельніка, узрост, па-магчымасьці кантактныя тэлефоны.

У сувязі з 450-годзьдзем Рэфармацыі, асаблівая ўвага будзе надавацца работам, прысьвечаным XVI стагодзьдзю ў Беларусі.

Працы прымаюцца да 15 красавіка 2003 г. Пераможцы конкурсу атрымаюць каштоўныя ўзнагароды.

Працы накіроўваць на адрас:
220050, г.Мінск, вул.Рэвалюцыйная 15.
Кантактны тэлефон: (017) 289 31 94.

Літаратурныя творы можна накіроўваць электроннай поштай: zbsb@lingvo.minsk.by

МГА ЗБС "Бацькаўшчына"