КАТИХИСIСЪ
для детокъ хрiстианьских языка Руского коротко выложена

ПЫТАНЬЕ

Говори вторую заповедь.

ОТКАЗЪ

Вторая заповедь естъ: "Не учинишь собе образа ани всякого уподобия, которое естъ на небеси высоко, и которое на земли низъко, и которое в водахъ подъ землею".

ПЫТАНЬЕ

Яко тое маю разумети? Чи ли и собе чинити образа Богъ заказуеть, чи ли только поганьскихъ кумировъ?

ОТКАЗЪ

Напервей такъ разумети маешь, иже яко у первой заповеди заказуеть Богъ духовного идолослужениа, а Собе духовную службу зоставляеть, тако въ второй заповеди заказуеть и теломь образомъ служити.

А на тое пытанье, где еси пыталъ, естъли бы только поганьских балъванов чинити боронилъ Господь, тако тобе отказую, иже не только ложным богом образа Богъ чинити заказуеть, але и Собе, и ангеломъ, и людемъ ачь пакъ святымъ. Бо ясне рече: "Ни всякого уподовиа". О чомъ ешче доводней в Пятых книгахъ тако заповедуеть Моисей: "Не видите никакова уподобиа в той день, егда глаголалъ к вамъ Господь Богъ на горе Ориве от среды огня, да некогда прельшчены, учинили бы есте собе кумира надо, или уподобление мужеска пола, или женьска, или образъ всякого звера, иже на земли, или птиць, или гадов" (Втор. Зак. 4).

Бачишь ли, што говорить Моисей? Иже для того Богъ, говорячи къ сыномъ Iсраилевымъ, не явилъся имъ ни въ одномъ какимъ образе, абы потомъ собе образовъ не чинили?

ПЫТАНЬЕ

Ино на оный часъ только жидомъ не годилося мети образовъ, понеже ни какова образа Божиа не видели, лечь потом Сынъ Божій, пришедши и тело принявши, бысть людемъ Богъ видимый, прото годиться намъ вже образы мети?

ОТКАЗЪ

Правда естъ, иже ся Богъ сталъ видомый в Сыну Своимъ. Бо и Самъ Хрістос поведелъ къ Филиппу: "Видевый Мене, виде Отца, яко Азъ въ Отци и Отець въ Мне естъ". Лечь предъся оного первого заказанья не отнялъ, ани отставилъ, але болей потверьдилъ, где ко самаряныне рече: "Жено, вероуй Ми, яко грядеть часъ, егда ни въ горе сей, ни въ Іерусалимехъ поклоните ся Отцоу" (Іоан 4:21). А мало нижей къ той же жене мовить: "Духъ естъ Богъ, и иже кланеють ся Ему, Духомъ и истинною достоить кланетися". Се видишь, яко зверховные речи отставляеть Господь. Але абы есь ведалъ, иже и по воплошченью Сына Божiа не хочеть Богъ, абы Ему образы чинены, прочти речь святого апостола Павла, которую мелъ къ Афиньским, где межи иными словы тако рече: "Бог, сътворивый миръ и вся, яже в немъ, сей небу и земли Господь сый (святый?), не в рукотвореныхъ храмехъ живеть, ни от роук человечыхъ оугоженіа приемлеть" (Деа 17:24-25). Изъ которихъ словъ явно естъ, иже Апостол не о ложнымъ якимъ бозе говорить, але о Самомъ истиныимъ живымъ. Бо такъ рече: "Богъ, створывый миръ", а предъся ясне придалъ, иже тотъ Богъ оугоженіа от рукъ человечихъ не приемлеть. Образы пакъ, або яко е зовоуть, иконы, што иного суть естъли не оугожение, то естъ служба, от рукъ человечихъ? Прото мало подалей тамъ же Павелъ мовить: "Родъ убо сушче Божіи, не должни есмо непшчевати (домнимати) злату и сребрю или каменію, начертанію хитрости и смышлению человека, Бога быти подобна".

Зде ясне видишь, иже Апостолъ Самому таки живому Богу заказуеть чинити уподобления такъ от золота або сребра, яко от каменья и от всее человеческой хитрости. Хотя жь пакъ вже тогды Хрістос, Сынъ Божій, принялъ былъ зракъ человечи. Надъ то, ачь Богъ явилъ ся намъ въ Сыну Своемъ, лечь намъ образовъ таковыхъ чинити не велелъ. Маемъ бо на томъ образе перестати, который намъ Богъ подати рачилъ, то естъ на Самомъ Сыне Божіимъ. Той естъ единый образ Божій, которому ся кланети маемъ Духомъ и истинною. Ачькольве и Адам первый по тому же образу былъ созданъ, але и тогды жь утратилъ, заповедь Божію проступивши.

ПЫТАНЬЕ

Што на тое откажешь, што некоторіи говорять, яко бы Хрістос Свой образъ царю Агварю послалъ?

ОТКАЗЪ

Напервей на тое тако отказую, иж о томъ ни одинъ евангелистъ не пишеть. А чого у Святомъ Писмени не выписано, а яко тому верити кто можеть? Не подобна бо речь, абы такъ великого чюда святіи евангелисты не вспомянули, если бы так было, поневажь и меншие речи припоминають. Ведаю теже, яко о томъ Дамаскинъ написалъ, ижебы царь едескый Агварь посылалъ иконописца ко Христу, абы Его лице написалъ, а коли дей иконикъ написати не могъ, Самъ чусто Хрістос, взявши обрюсъ, къ лицу приложилъ и тако образъ нерукотворенный учинилъ. Тако о томъ пишеть Дамаскинъ, але на тое жадного доводу не маеть и самъ за непевную речь пишеть. Прото жь такъ не певным речам не годиться верити, яко и Апостолъ Тімофею пишеть, рекучи: "Старечьских басен отрицайся" (1 Цім. 4:7).

На остатокъ, естли бы кто деанію о Агваре царю верити хотелъ, ино бы подобней Евъсевію Кесарійскому верити, которій былъ во три ста летъ по Хрістовомъ вознесенію, нежели Дамаскину, который вже былъ по седмисотъ летехъ. Лечь Евсевій, тое деаніе широко выписуючи, не въспоминаеть ни которых образовъ, только листъ припоминаеть, который Хрiстос къ Агварю писалъ. А к тому, яко святый Апостолъ Фома посылалъ Фаддеа къ Агварю, который дей его возложеніемъ рукъ и молитвою злечилъ. О томъ знайдешь у него въ первой книзе церковного деаніа главу 14.

ПЫТАНЬЕ

Ешче некоторыи говорять, яко Лука Евангелистъ былъ иконописецъ, ижебы иконы пречистой богородицы писалъ.

ОТКАЗЪ

Тое на святого Луку безвинне зложили иконопоклонницы, абы такъ свой блудъ укрепили. Лечь напротиву имъ о Луце Апостолъ стоить, поведаючи, ижь врачь былъ, то есть лекарь, а не иконописець. Тако бо къ Коласаемъ пишеть: "Целоуеть вы Лука, врачь възлюбленный" (Кал. 4:14).

Если бы Лука былъ иконописецъ, никако бы того не замолъчал Павелъ, яко и врачевства не миноулъ, а иконописаніе далеко вышша речь. Лечь не только святый Павелъ Апостолъ, але и Софроніе по тому же Луку врачомъ у его житию пишеть, а иконописанiя ни одном словомъ не споминаетъ (чти пресловіе въ Евангелие от Луки).

ПЫТАНЬЕ

Што намъ Богъ у той заповеди приказоуеть чинити?

ОТКАЗЪ

Каждое приказанье две речи въ собе замыкаеть. Первая - што Богъ чинити велить. Другая - чого заказоуеть. У той заповеди, где образов чинити боронить, там же ся и тое замыкаеть, абы есмо образъ Божій чтили, то естъ кажного человека. Бо той естъ по образу Божіему созданъ.

ПЫТАНЬЕ

Чого намъ Богъ заказуеть у томъ заказанью, або которые суть злая дела противу того приказанья?

ОТКАЗЪ

Напервей заказоуеть всякого образа чинити, предъ которым бы ся або самъ, або кто иный кланелъ.

Тежь заказует не только самому чинити, але хотя бы кто иный учинилъ, абы ся не кланель. А кто бы напротиву тому чинил, такового дела суть тяжкие грехи.

ПЫТАНЬЕ

Яко Богъ караеть тых, они же бы тую заповедь проступали?

ОТКАЗЪ

Яко первое заповеди, тако и тоее проступцы карани бывають и вечными и телесными муками. Скаралъ Богъ сыны Ізраилевы, егда собе были учинили образъ яко теля, такъ иже ихъ убито одного дня три тисечи (Выхад 32, 1 Кар. 10).

Скаралъ теже Соломона, иже от сына его отступило десять коленъ сыновъ Ізраилевыхъ (4 Карал. 12).

А опустивши старие казни, новую памятуимы, яко Богъ тяжко скаралъ цара Констанътина, сына Лвова, и матку его Ирину, на которих розказанье наставляно образовъ до храмовъ Божіихъ и приказанося имъ кланети (О томъ пишут Платина и Эгнатій). Бо напервей тая Ірина царица ослепила сына своего, того жь Константина, давъши оному очи вынять, а той опять напотомъ матку въ заточенье заслалъ, аже на остатокъ и самъ безъ потомъства згинулъ. Зачимъ и Кесарьство къ иному народу пришло.

ПЫТАНЬЕ

Што пакъ обецуеть Богъ тымъ, они же бы ся образомъ не кланели, ани бы ихъ чинили?

ОТКАЗЪ

Яко проступаючихъ и вечными муками и временными караеть, тако опять чинячимъ по той заповеди и зде добромъ платить, и потомъ вечный животъ обецуеть. Яко на взоръ маемъ Езекию и Іосию, царей Іудейских, которихъ Богъ противу всехъ враговъ ихъ крепко боронилъ, иже тому приказанью досыть чинячи, всякие балъваны губили. Такъ иже и оного змея медяного, которого былъ Моисей по повелению Божіему учинилъ (Лічбы 21), егда ся ему молити людъ почалъ, побожный царь Езекия съкрушил, хотя жь онь змей былъ образомъ Сына Божiего Господа нашого Ісуса Хріста (Лічбы ).

О томъ пакъ Езекiи тако Духъ Святый написалъ: "На Господа Бога уповалъ сей царь Езекия. И прото ж по немъ не было ему ровного во всехъ царехъ Іудиныхъ" (4 Карал. 18). Но ни в тыхъ, иже пред нимъ были. По тому жь и о Осии написано, иже ему подобный царь не былъ (4 Карал. 23), который бы ся тако навратилъ къ Господу Богу.

А тое для того Духъ Святый написалъ, абы цари, князи и иныи преложении ведали, иже тое на ихъ уряд залежить, абы всякие балъваны и ложные службы губили и выкореняли. Таковыхъ бы теперь по всехъ Рускихъ земляхъ вельми пильная потреба, где ся iдол и розличныхъ балвановъ вже от колька сот летъ такъ намножило, иже за ними и Бога людъ посполитый забылъ. Лечь о томъ иншого часу ширей напишемо.