КАТИХИСIСЪ
для детокъ хрiстианьских языка Руского коротко выложена

ПЫТАНЬЕ

Говори четветую заповедь Господню.

ОТКАЗЪ

Четвертую заповедь тако Богъ написалъ: "Помни, абы есь день суботный святилъ".

ПЫТАНЬЕ

Яко ся то слово "святити" розумееть?

ОТКАЗЪ

Святити розумеется не прожновати просто, яко посполите розумеють, але на святые дела отдати.

ПЫТАНЬЕ

Скажи доводней, абых розумелъ причину, лепшей ли Богъ любить порожнованье за роботу?

ОТКАЗЪ

Не у тотъ обычай Богъ седмый день святити велелъ, абы роботы не рад виделъ, а прожнованье любилъ, поневажь на Адама тотъ законъ, высылаючи его з рая, взложилъ, абы у поте лица своего елъ хлебъ свой, и землю бы делалъ по вся дни живота своего (Бытья 3). Але абы мелъ человекъ певный день, которого бы ся Слова Божiего оучилъ и святыми бы ся речми бавилъ. И того для у томъ Слове не тако спроста празновати повелеваеть, ани знага делати заказуеть, але святити той день велить.

"Святити" пакъ не розумееться прожновати или ничого не творити, але святые дела чинити. А дела святыя оны суть, котория Богъ чинити велелъ, яко Слова Господня слухати, милостину давати, Богу ся молити и прочая. Прото не боронить Богъ на тотъ день святыхъ делъ делати, але только мирскихъ або светьских, дочасных, а того живота. А опять велить нам чинити святые дела, яко есм вже поведелъ.

ПЫТАНЬЕ

Скажи ми, естли и хрiстiане повинни седъмый день святити, а к тому ешче для чого неделю святять, а не суботу?

ОТКАЗЪ

Кто вырозумееть, для чого Богъ людемъ Iзраилевымъ суботу святити велелъ, онъ теже снадне вырозумети можеть, яко хрiстiане слободни от седмого дня, а яко ему повинни. Ино находимъ у Святомъ Писмени чотыри вины, для которихъ суботу Богъ святити велелъ.

Первая причина, абы сътворенье света припоминали. О той причине Моисей тако пишеть: "Въ шести бо днехъ сотворилъ Богъ небо и землю, море и вся, еже в нихъ суть, и отпочинул в день седмый" (Исход 32). Яко бы реклъ тако: "Помни день суботный святити, бо в шести днех сътворилъ Богъ весь светъ, абы есь того не забылъ".

Другая причина, абы онъ людъ мел тайну или образъ отпочиненья духовного. То есть, субота знаменовала, иже вси потребуемъ, абы насъ Богъ посвятилъ и до вечного отпочиненья принялъ. Тую причину далъ знати Моисей у Исходе где пишеть, яко Богъ рече: "Видьте да суботы Моя соблюдете, понеже знамя естъ межи Мною и вами в родехъ вашихъ, да разумеете, яко Азъ есмъ Господь освешчаяй васъ" и прочая (Исход 22). Тую жь таки причину и Езекиiль широко выписуеть у 20 главе, межи иными словы пишеть, яко Богъ рече: "Суботы Моя дах имъ, яко ж быти въ знаменiе межю Мною и межю ими, яко жь разумети им, яко Азъ Господь освешчая и<х>". Яко Моисей, тако Езекiилъ кажють, иже для того Богъ далъ былъ суботу и святити ю велелъ, абы розумели, яко освятитися от Бога потребовали.

Третяа причина, абы онъ людъ мелъ опричьный день, которого бы Закон розбералъ и иншие святые речи делалъ. О томъ и Лука в Деанiахъ Апостолъских споминаеть, яко Моисей чтеться по вся суботы. Четверая причина естъ, абы неволником и неволницамъ, и скотом было отпочиненье. О тоя причине Моисей написалъ тако: "Шесть дней делати будешь, седмаго же дня престанеши, да отпочинеть волъ и оселъ твой и да отдыхнеть сынъ рабы твоея и пришлецъ, иже естъ у тебе". Вже тепер погледи до тыхъ причинъ, а самъ собою вырозумеешь, яко повинни есмо тому слову, а яко не повинни. Бо водле некоторихъ причинъ вже свободные есмо от седмого дня, а водле иншихъ причинъ потреба, абы и хрiстiане мели опричьный день, которого бы святили.

Вторую причину поведелъ есмъ на тотъ обычай, иже для того людемъ Iзраилевым велел Богъ суботу святити, абы ихъ упоминала а на память приводила, иже имъ надобе освешченья и покоя, або ижь потреба, абы ихъ Богъ освятилъ и въ отпочиненье принял. По той причине свободни есмо от всехъ празниковъ и суботъ. Бо всемъ образом и стеньемъ конець принесъ и учинилъ Христос. А кто бы у тотъ обычай суботу або неделю святилъ, не добре бы чинилъ и противу бы Хрiста iоудействовалъ. Тотъ бо обычай празнованья Христос вже отнял и Апостоли отставили, яко Павелъ Коласаемъ пишеть: "Да никто васъ осужаеть о яденiи, или о питии, или о части праздника, или о новомесяцах, или о суботахъ, еже суть стень грядушчимъ, тело же Христово" (Кол. 2:16-17).

Пилъно обачъ, яко празники, суботы, брашна и таковая стенемъ называеть, то естъ образомъ, а Хрiста теломъ зоветь. Даючи знати, иже оные суботы толико образовалы або значилы пришлые речи, а до того часу мелы быти, докуле бы вже не стень, але самая правда пришла, которую теломъ зоветь. А прото не мають хрiстiане у тотъ обычай никаких празников мети, але вси дни за празники мають личити, яко Iсаiа пророчествовалъ, где рече: "И будеть новомесець от новомесяца и субота от субботы" (Iсаiа 66), ачь тое по вскрешенiи достаточней ся збудеть.

Обачивъши тую причину, обачи и иншие причины, для которихъ празники Богъ поставилъ. То естъ, абы былъ опричный день, которого бы ся людие ко слуханью Слова Божiего съхажали, а семья бы неволная и скотъ отпочивали. Водле тыхъ причинъ мусить бытии певный день у хрiстiан. Бо и Хрiстос собератися Своимъ велить, и о Апостолехъ читамы, яко ся къ слуханью Слова Божiего и къ преломленью хлеба съберали. Надъ неволниками теже велить Богъ милость мети и оныхъ шчадити. А прото потреба, абы таковъ день мели хрiстiане, яко жь ешче спочатку мели.

ПЫТАНЬЕ

Вижу, яко мусить быти день одинъ, которого бы христиане от роботъ своихъ волными были, а слуханья бы Слова Божiего пилновали. Але ешче рад быхъ ведалъ, для чого на тое инший день обрали, нежели который Самъ Богъ обралъ и посвятилъ и, то естъ для чого святимъ неделю, а не суботу?

ОТКАЗЪ

Ачь то на воли оныхъ старих христiанъ, то естъ Апостоловъ было, обрати собе которы колвекъ бы день хотели на святые справы, хотя ж бы понеделокъ або второкъ, або иный который от седми дней, поневажь вси дни ровные суть, а не ест одинъ за другого лепшейшый, яко Апостолъ, к Римляномъ пишючи, знаменуеть.

Да вед же не безъ причины первый день, то естъ неделю на тое избрали. Яко бо под Законом сувоту для того святили, ижь того дня Богъ отпочинулъ, створивши вси речи, по тому жь под Еванъгелиемъ годится оного дня добродейства Божiе припоминати, которого Сынъ Божiй, знову створивши светъ, то естъ человека избавивши, к новому животу въскреснути рачилъ. Бо оное первое створенье, для которого былъ Богъ суботу святити велелъ, Адамовымъ грехомъ было нарюшоно, а ново Ісусомъ Хрістомъ опять естъ найдено.

ПЫТАНЬЕ

Чимъ того доведешь, абы Апостоли неделю заховали, або ку слуханью Слова Божiего обрали?

ОТКАЗЪ

Ничимъ, толико Писмом Святымъ. Напервей бо Лука Евангелистъ в Деанiах Апостолских пишеть тако: "Въ едину же от суботъ събраным оученикомъ преломити хлебъ Павелъ глаголалъ к ним, хотя изыйти на оутрiи, и простреть слово до полоуношчи (Деа 20:7). Зде явне пишеть, яко оученици, сиречь хрiстiане, събералися ламати хлеба, то естъ Вечерю Господню чинити, в неделю.

По тому жь и Павелъ Апостолъ к Корiнфом пишючи, припоминаеть неделю, яко того дня маеть быти сложенiе милостины. Тако бо пишеть: "А сложенiе еже къ святым, яко же расчыних церквам Галатейскым, тако и вы творите. По единой от суботъ кожды васъ о собе да полагаеть, съхраняа (1Кор. 16:1-2)".

Съ обеюхъ тых местъ вырозумети можемъ, ижь Апостоли неделю обрали, абы у тотъ день святые справы чинили хрiстiане. То естъ абы ся но одно место згромадивши, Бога призывали, Слово Его слухали, тайне пріймовали, милостину здавали и ишие побожьные дела Богу ко чти чинили.

ПЫТАНЬЕ

Вижу, яко Лука сведчить, иже съшлися были оученицы въ едину от суботъ преломити хлебъ. Лечь не пишеть, абы тое было в неделю, але яко бы в некоторую суботу. Павла теже Апостола речь трудна къ вырозуменью. Бо не рече: "Полагай каждый в неделю у себе милостину", але рече: "По единой от суботъ". Яко тое розумети маю?

ОТКАЗЪ

Нетъ в сихъ словехъ никакое трудности, кто ся Писму Святому припатрити хочеть. Ведомо бо маеть быти, яко Апостоли и Евангелисты, ачь языкомъ гречьскым писали, лечь пред ся обычай мовы еврейское заховали. Евреане пакъ не потому дни звали, яко мы теперь зовемъ, ани по тому, яко на онъ часъ греки звали, ани ся годило тако Апостоломъ звати.

Бо греки, або еллини, будучи погане, многых боговъ быти веровали, и их имены дни называли. Што мы ныне Неделею зовемъ, они днемъ Илiовым, то ест солнеца звали, солнце вместо бога маючи. Што в насъ теперь понеделок, тое они днемъ луны, которую мели за богиню, называли, потому же второкъ Ираклиевымъ днемъ, середу - Ермиевымъ, четвер - Дiовым, пятницю - Афродиты, субботу - Кронiовымъ. Ино яко есмъ вже поведелъ, не годилося по тому Апостоломъ ани Евангелистом писати, которие множство ложных боговъ потребити мели, а того для обычаемъ евреи дни называли. Неделю - единою от суботъ, понеделокъ - второю або другою от суботъ, второкъ - третиею от суботъ, середу - четвертою от суботъ, пятницу - шестою от суботъ, а суботу - суботую или шабасомъ звали.

Прото где знайдешь у Святомъ Писанiю "въ едину от суботъ", розумей, якобы написано "у неделю". А для лепшейшого вырозуменья обачь въ всехъ Евангелиах, где святiи Евангелисты въскресенiе Христово выписують, увидишь, иже вси сведчать, яко Христос въ едину от суботъ въсталъ из мртвыхъ, то ест, на заутрiе по суботе, по нашему - у неделю. Матфей бо тако пишеть: "Въ вечер же суботный и свитаюшчи въ едину от суботъ, прiиде Марiа Магдалини и другаа Марiа видети гробъ" и прочая. Обачь, яко яснее даеть знати, иже опошле вечера суботного свитаеть въ едину от суботъ. Што ся о иномъ дни розумети не можеть, развей о недели.

Тое теже памятуй, ижь по обычаю еврейское речы Евангелисты, што бы мели писати "въ первую от суботъ", они писали "въ едину от суботъ". Тако бо и Моисей, выписуючи, яко Богъ сътворилъ светъ, написалъ: "И быстъ вечеръ и оутро, день единъ". То естъ день первый. Прото Марко Еванъгелистъ написалъ тако: "Въскресъ Iсус заоутра въ первую от суботъ".

Домнимаю, яко вже каждый розумети можеть, іже где Лука въ Деанiахъ пишеть, яко оученици схажалися ламати хлеба въ едину от суботъ, не можеть ся о иномъ дни розумети, развей о недели. А ижь тотъ день неделный былъ ешче за Апостолъ обранъ на Божiе справы, вже есмъ довелъ, чого ми теже посведчаеть Iоаннъ Богословъ въ Откровенiю, где тако пишеть: "Азъ, Iоаннъ, братъ вашъ и обешчникъ въ скорби и царстве и терпени Iсус Хрістове, бехъ въ острове, нарицаемомъ Патмомъ, за Слово Божiе и за сведительство Iсус Христово, бехъ духомъ въ день недельный" (Апокалипс 1).

Лечь што зде днемъ недельнымъ на нашую речь преводники написали, то у греческих книгах "въ день Господень" пишють. Тако бо греческого языка Хрiстiане неделю зовуть - "Кирiаки имера", то ест "день Господень". По чому знати, иже той день стародавные хрiстиане отделили были Божiимъ съправам. Бо естли бы не такъ было, не писалъ бы его Богословъ днемъ Господнем.

ПЫТАНЬЕ

Если за Апостолъ мели хрiстiане опричьный день, которого святие справы делали, чого жь для Апостолъ Галатъскую церъковъ о томъ обличаеть, яко певные дни мели, которых смотрели. Тако бо пишеть имъ: "Како възврашчаетеся пакы на немошчныя, худыя стихiа (початки), имъ же пакы слоужити хотяшче, дни смотряете? и месяца (стр.MS), и времена и лета. Боюся о васъ, егда како без оума трудихъся" (Гал. 4) и прочая.

ОТКАЗЪ

Поведелъ вже есмъ, яко мы, Хрiстiане, иншимъ способомъ празновати, нежели Iзраильтяне, маемъ. Тiй бо для того празновали, абы образовали або значили, яко потреба, абы были посвяшчени. Мы пакъ только для того празнуемъ, абы есмо часъ мели Божiихъ справъ пилновати.

Галаате пакъ не для того дни смотрели, але, iоудействуючи, инъшие дни за святые, а инъшие за несвятые мели. Прото Апостолъ напротиву тому ихъ худоству пишеть, а не противу церковному чину. О котором на иномъ месте тако повелеваеть: "Вся благообразно и по чину да бывають" (1 Кор. 14:40).

А яко жь по чину будуть вся, естли бы певного дня ко съберанью хрiстiанъ и къ инымъ справам не было.

ПЫТАНЬЕ

Которые суть добрие дела того четвертого слова?

ОТКАЗЪ

Напервей проповеданье Слова Божія и причашчанье Тайнъ Хрістовых за великіе дари Божіе мети. (1).

Слова Божіего з великою пилностию наоучати, естли кто к тому избранъ. (2).

Слова Божіего учительного пилно слушати, с него ся направляти, теже Тайнамъ Хрістовымъ причашчатися. (3).

Дни святые къ тому тягнути, абы ся тогды любовь показовала, абы и иншие, видячи, къ благочестию пріступовали, милостину давали и въ всимъ ближному своему потребному посабляли. Тако бо Хрістос праздники празновалъ, всякие недуги або хворобы исцеляючи. (4).

Ешче служителемъ Слова Евангельского выхованье давати, абы за працами своими служити не омешкали. Тем же обычаем их боронити и свободу делати, абы беспечне служили. (5).

Немного говорячи, тотъ седмый день святить, кто и в собе, и в другихъ верю, надею, любовь острить. (6).

ПЫТАНЬЕ

Которие суть грехи противу того слова?

ОТКАЗЪ

Напервей гордити службою Евангельскою. То естъ або николи, або зредка слухати Слова Божіа. (1).

Не причашчатися Тайнам Хрістовымъ. (2).

Оставляти проповеданье Слова Божіего або недбале его навчати. (3).

Постановляти незбожные чины, которие правое ученіе затерають. (4).

Въ дни святые пированья чинити, непилъные суды судити, на позоришча ходити, прожновати, дочасные речи робити, о Божественных не розмышляти. (5).

Отводити кого от слуханья беседъ поучительных або дати кому причину зле о нихъ розумети. (6).

Всякіе справы в той день чинити, которие бы от слуханья Божія Слова и от розмышлянья его отводили, яко в день святый торговати, долъгы отправляти, копы съберати, в дорогу ехати, полевати або зверъ ловити и таковая. (7).

Причину, абы некому Слова Божія наоучати, якожъ кольве дати, або напротиву чти служителей стоячи, або данину от нихъ завераючи. (8).

Подданыхъ великими службами обтяжати, за которими часу не мають до церъкви приходити. (9).

ПЫТАНЬЕ

Яко Богъ караеть тых, которые того слова четвертого непослушни?

ОТКАЗЪ

Яко первыхъ словъ проступци и на теле и на души бывають карани, по тому жь и о того слова проступницех розумети маемъ, понеже и тое слово ест от первое дошчки. И маемъ взоръ у Святом Писанью, яко ся Богъ на таковыхъ гневаеть, которие бы дня святого свои потребы чинили, а Господне бы отставили.

Моисей бо пишеть, яко Самъ Богъ велелъ человека каменіемъ убити, иже только трески в день суботный збиралъ (Числа 15). Нееменія теже сведчить, яко Богъ за тое былъ навелъ зло на Іерусалимъ, иже суботы были посквернили (2 Ездр. 13). Тое жь у Езекиіла и у иныхъ пророкъ знайдешъ.

ПЫТАНЬЕ

Што будеть онымъ, которыи тую заповедь полнять?

ОТКАЗЪ

Яко проступници и на душы и на теле карани бывають, по тому же и которіе того слова стерегуть, и вечные дарованіа пріимуть, и зде, на земли, ласкавого къ собе Бога познають. О вечныхъ рече Самъ Господь: "Блажени слышашчеи Слово Божіе и храняшче е" (Лук. 11:28).

О земныхъ пакъ Iсаіа тако пишеть: "Ачше отвратиши ногу твою от субот и не сътвориши воля своя в день святый, и прозовеши суботы млады святы Богови своему, да не въздвинеши ногы своея налево, ни да възглаголеши словесы на гневъ из оустъ своих, и будеши уповая къ Господеви, възведеть тя на бготы земныя и уречеть ти причастіе Іакова, отца твоего" (Iсаіа 58).

Далей

Зьмест

Тытульны аркуш