КАТИХИСIСЪ
для детокъ хрiстианьских языка Руского коротко выложена

ПЫТАНЬЕ

Говори пятую заповедь.

ОТКАЗЪ

Пятаа заповедь естъ: "Чти отца и матку твою, абы есь долго живъ на земли, которую Господь Богъ дасть тобе".

ПЫТАНЬЕ

Што зде Богъ зовет честию?

ОТКАЗЪ

Писмо Святое не только тое честию зоветь, што людие посполите зовуть. Люді бо мають оное за честь, коли кто къ кому укладъне говорить, повстаеть, шапку снявши, кланяеться. Лечь у Святом Писме честь называется не только таковая укладность, але теже коли кто, видечи потребного, от маетности своей ему уделяеть. О таковой зде чести сее слово пятое повелеваеть. То естъ абы есьмо родителемъ своимъ послушни и поволніи были, учьтиве ся к нимъ заховали, по тому жь абы есмо им, естли бы потреба, выхованье давали. А на остатокъ и працу свою къ их пожиткомъ отдавали. На том бо залежить честь, о которой тутъ Богъ заповедуеть.

А хочешь ли о том певнейшый быти, яко чтити розумееться живити а выхованье давати, погледи, што Апостолъ к Тімофею пишеть: "Прележашчей добре пресвітры сугобей чти да достойни бывають, паче же трюждаюшчейся в слове и ученіи" (1Тім. 5:17) и докладаеть, абы вырозумелъ Тімофей, о якой чти говорить, и рече: "Глаголеть бо Писание: "Вола верхушча не оборотиши" и "Достоінъ делател мзды своея".

Естли бы не датокъ зде честию звалъ Павелъ, а нашто бы о воле молотяшчом писмо приводилъ, которого "оборотити" заказуеть? (То ест въ обрет внуздати, абы не елъ). Нашто бы Слово Хрістово припоминал о делателю, яко достоин мзды або заплаты своея?

А такъ надобе тое паметовати а родителем не только словом, поклоном а шапкою честь чинити, але сее чинячи, оного, на чим большей належить, не опушчати.

ПЫТАНЬЕ

Буду вже розумети, яко ся чтити годить родители, але ми ешче скажи, кого зде Богъ отцомъ и маткою называеть, естли только родителей, от которих тело имаемъ?

ОТКАЗЪ

Коли бы есмо ся от отца и от матки народивши, не потребовали иных людей помочы, обороны, наоуки, ино бы есмо не должни никому иному чести тоее, разве родителем нашим. Але ижь безъ тыхъ речей вже ознаменых на сим свете быти не можем, прото и оных на месте родителей мети есъмо повинни, от которыих тые добродейства пріймуем, се естъ наставники, мастери, пастыры и врядники. Тым бо должни есмо честь заровно яко родителем. Бо яко от родителей тело маемъ, тако опять от мастеров маемъ, иже оное тело можемъ заховати, абы и одежу и пишчу мело. По тому жь за властями покой маем, а за пастырми добрую совесть. А безъ тых на свете пожити нельза человекомъ.

Безъ родителей бо на светъ никто не народиться, але хотя жь ся от родителей кто народить, а добрым норовом не наставиться, што за пожиток с него будеть? Потому жь хотя жь бы ся кто и народилъ, и выхованъ былъ, але бы врагъ непокой чинилъ, а вряду бы не было, который бы боронилъ, а нашто бы и выхованье? Лечь хотя бы и выхованье кто мелъ, и оборону, але бы опять Слова Божіего не мелъ от кого слухати, предся бы ешче великый недостатокъ терпелъ.

Прото сее пятое слово не только ся о родителех розумееть, але о всехъ тыхъ, которыхъ есмъ вже припоминалъ. То естъ о наставниках, о пастырех а о преложоных. Тым повинни есьмо честь не мней, але яко родителем, не такъ для обороны и наукы, яко для того, ижь оныхъ Богъ на Своим месте поставилъ и послушеньство им чинити велелъ.

ПЫТАНЬЕ

Естли родители, пастыри або оучители и господари за отцы чтити маем, чого для Хрістос заказуеть отцомъ кого звати на земли, даючи того причину, иже единъ ест Отецъ наш на небесехъ (Матф. 23:9)?

ОТКАЗЪ

Не только отцами людей звати Хрістос заказал, але того жь часу Апостоломъ заборонилъ, абы ся оучительми не звали. А предся Павелъ Апостолъ назвалъся и оучителем и отцомъ, бо, пишючи к Тімофею, тако рече: "Iстинну глаголю о Хрісте, а не лжю оучитель языком въ вере и истинне" (1тім. 2:7). Зде ся оучителемъ назвалъ, а къ Коринфом пишеть тако: "Не срамляя вас пишу сія, но чада моя возлюбленная наказаю. Ашче бо тму оучителей имате о Хрісте, но не многы отца. Бо о Хрісте Ісусе благовествованием азъ вы родих. Молю убо вас, подобни ми бывайте. Сего ради послах вам Тімофея, иже ми ест чадо възлюбленое" (1Кор. 4:14). С тых словъ Апостольскихъ явне, иже ся отцом Коринфом пишеть, а потому жь и Тимофею. Прото заказъ Хрістовъ мусить ся не такъ просто розумети. Бо если бы ся просто розумелъ, не чинил бы противу его Апостолъ, то естъ не звалъ бы ся ани учителемъ, ани отцемъ. Прото тако розумети маемъ слова Хрістова, где заказуеть оученикомъ, абы ся учительми не звали, тое жь ся розумееть, яко коли бы им поведелъ: "Не оучете сами от себе, што ся вам полюбить, але што есмъ Я вас научилъ". Той бо оучителемъ ся зоветъ, кто не Хрістова ученья, але своихъ вымысловъ учить. Опять, кто Хрістова Слова навчаеть, можеть ся учителем назвати. Бо тая честь не его будеть, але Оного, чия наука. А ижь ся потому Павел и иншие Апостоли заховали, слушне ся учительми звали. Бо и на тое были от Хріста избрани и потом послани, абы навчали.

И того для Апостолъ к Ефесіом пишючи, не только Пророки, Апостолы, Евангелисти и пастыры личыть за дары, которие намъ Хрістос, по правицы Бога Отца седячи, даеть, але теже и учителей припоминаеть (Ефес. 4:11). Потому жь и званью отцомъ розумей, иже не боронить Хрістос звати отцомъ отца, и пастыра або учителя, але у томъ слове напоминаеть, абы есмо для нашихъ отцовъ Бога, всем истинного Отца, не отступали, Его славу большей важили.

Окроме того теже ведати надобе, иже, властиве говорячи, Единъ только Самъ Богъ естъ всее твары и Отецъ, и Господинъ, Царь, Княз, и Богъ. Да вед же предся Самъ Богъ рачилъ тых именъ оным узычити, которие на Его местех седять. Яко часто у Святом Писанію находемъ, иже не преложеные только называються князи, отцы, цары и господеви, але и бози нарицаються от Самого Бога. Яко у Псалмех Духъ Святый рече: "Богъ ста в сонме боговъ, посреди же боговъ разсудить" (Псалом 81:1). Там же, мало нижей, рече: "Азъ рех: бози есте и сынове Вышнего вси" (81:6). Потому же въ Исходе написано: "Богомъ не поругаешися". Тое пакъ не розумееться о поганьскихъ бозех, бо тымъ можеть ся ругати, яко чинилъ Илія (3 Цар. 18), Іеремія и прочиі, але ся розумееть о судьяхъ а о преложеныхъ, которих Богъ чтити велить, а поругатися имъ възбраняеть.

ПЫТАНЬЕ

Если же бы господарь былъ несправедливый, што маеть чинити христіанинъ?

ОТКАЗЪ

Несправедливый былъ Саоулъ, а предся чтилъ его Давыдъ. Идолослужители были римские кесари, а предся имъ Хрістос кинсонъ платити велелъ, и Сам (Лук. 20:19-26) дідрахму заплатилъ (,, ,). Прото Павелъ Римляномъ тако пишеть: "Воздади тежь всемъ долгы. Ему же уброкъ, уброкъ, ему же дань, дань, ему же страх, страх, ему же честь, честь". А Петрь ешче ясней того пишеть, абы подъданые або слугы повиновалися владыкамъ або господаромъ своимъ не токмо благым и кроткым, но и строптивымъ.

Прото повиненъ хрістіанинъ господаря своего слухати, ему служити и што розкажеть, маеть чинити. Нижли естли бы што напротиву Бога Царь, Князь або который иншый господарь повелелъ, а хотя ж бы и пастыр, тогды вже не маеть хрістианинь послушень быти, але обычаемъ Апостолъ святыхъ маеть отказати: "Послушати подобаеть Богови более, нежели человекомъ". В той мере вже и родного отца послушни быти не маемъ, ани наконецъ Ангела, если бы от Бога отводилъ, або противу Его Слова верити, або што делати велелъ (Мат. 10:35,36). Бо вже тогды отецъ не отецъ, але чужый, господарь не господарь, але розбойникъ, пастырь не пастырь, але волкъ, ангелъ не ангелъ, але діаволъ.

Прото, мовлю, вже на тотъ часъ не слухай, бо Хрістос тако рече: "Пріидохъ разлучити человека на отца своего, и дъшчере на матер свою, и невестку на свекровъ свою, и врази человеку домашніи его. Иже любить отца или матерь паче Мене, нестъ Ми достоинъ" и прочая (Мат. 10:35-36). Опять, Павел къ Галатом рече: "Ачше мы или ангелъ со небеси благовестить вам, паче еже благовестихом вам, анафема да будеть" (Гал. 1:8). На тые бы слова мели паметовати, которіи ныне Божіему Слову места дати не хотять для отецских обычаевъ або для знаменъ, чюдес або для якого явленья ангельскаго.

ПЫТАНЬЕ

Годить ли ся Хрістианину быти на вряде?

ОТКАЗЪ

Напервей, нежели на тое пытанье откажу, потреба ся нам от Божіего Слова гараздъ навчити, какова речь ест врадъ, добра ли або недобра. Найдеть ли ся у Божіемъ Слове, яко врядь речь добраа, чого бы для Хрістіанин не мелъ быти на уряде? Опять, знайдеть ли ся, яко злаа речь урядь, ино негожа будеть Хрістіанину бити врядъникомъ.

То пакъ кажную речь по сему познати, какова ли будеть, естли вину або причину оное речи обачишь. Бо знайдеш ли которой речи виною и начальником Самого быти Бога, розумей сию речь за добрую. Опять, знайдешъ ли какую речь оной, же начатокъ далъ діаволъ, не мей оное речы за добрую, хотя жь пакъ розум чоловечій и очи полюбять.

Але не далеко заходячи, обачимъ, кто цари, князи, воеводы и иншие врядники поставилъ.То пак все Писмо и Ветхого и Нового Завета посведчаеть, яко Богъ всехъ тых на ихъ престолы сажаеть. Тако бо у Притчах Соломоновых премудрость, то естъ Сынъ Божій, рече: "Мною Цари царствуют и силніи пишють правду, Мною велможи величествують и мучители Мною держать землю" (Прітч. 8:15-16). А што можеть ясней речено быти, яко зде Сынъ Божій поведелъ, яко от Него вси Цари, Господари и Мучители?

Але погледи до Святого Писанья, не тое ли знайдеши? Моисея чи не Богъ позвал быти князем? По семъ Ісусъ Навинъ не на повеленіе ли Божіе место принялъ? Самсона, Офоніила, Гедеона, Варака, Іефу и иныхъ судей даже до Самоила людемъ Ізраилевымъ кто посылалъ? Саоула кто помазати велелъ? Давыда на царство кто избралъ? А не токмо межю людей Iзраилевых, но и посреды языческих а поганьскихъ народов от Бога цари царствують, яко Пророки о Навуходоносоре и о Кирю пишуть. О Навходнасоре Даніилъ тако къ сыну его поведелъ: "Богъ Превышній царство и величество, славу и честь далъ Навходнасару" (Дані 5). О Кирю пакъ у Паралипоменоне тако пишеть сам же Киръ о собе: "Вся царства земныя далъ ми Господь Богъ небесній" (2 Парал. 36; Ездр. 1).

Вже явно кажному от Старого Завета, яко Богъ Самъ даеть Цари, князи и иные господари. У Новом опять Завете тое ж ся знаходить, яко где Хрістос къ Пилату тако рече: "Не имелъ бы власти ни единоя, ашче не быти дано свыше". Явне указуеть, яко всякаа власть свыше ест, то ест от Бога. О чомъ Апостолъ къ Римляномъ доводней пишеть тако: "Несть владычество, ашче не от Бога, сушча же владычества от Бога оучинена суть". Тем же противляяйся власти, Божію повеленію противляеться". (Рим. 13:1-2). Видишь ли, яко Апостолъ владычество или урядъ от Бога быти пишеть? Прото явна речь ест, иже Богъ Самъ урадники постановилъ. А естъли Богъ постановилъ или, по Апостолу говорячи, учинилъ, мусить быти речь добраа. А естли добраа, а чого бы для не годилося хрістіянину на вряде быти?

Правда ти естъ, иже врадники забывають посполите позванья або повинностей своих. То ест не паметують, иже мають быти до подданых яко отци до своихъ детей, и бывають окрутники, мучители, лихоимци або лупежники и иншие тяжкіе трудности подъданым чинять. Да вед же для того их врядъ не переставаеть быти от Бога. Бо невже золото злаа речь а не от Бога будеть, естъли бы кто его на збытокъ або на пыху вживал? Золото ничимъ повинно, але он человекъ злый. Потому же и Царь и иный какій врядникъ будеть ли лихъ, не будеть тое вина его уряду, але самого его особы. К тому ешче маемъ на взоръ людей святыхъ, которие на урядехъ были, яко Моисея, Іосифа, Мелхиседека, Ісуса Навина сына, Самоила, Давыда и прочих. А в Новомъ Завете Корниліа сотника, Іосифа от Арімафіа съветника, Сергіа Павла, Пафеньского Анфіпата або намесника и прочихъ.

Прото годиться хрістіянину урядъ держати, судити, добрихъ боронити, злыхъ карати не только на маетности, але и на горле, только бы справедливе. А не только за тое греха врядъникъ не маеть, але теже вдячную речь Богу тымъ обычаемъ чинить. А где бы того не чинилъ, то ест злыхъ не каралъ, а добримъ мирю або покоя не чинилъ, таковый урадникъ грешить, яко который повинности своей не чинить досыть. Пишеть бо Апостолъ, яко "не без оума мечь носить, а яко Божій служитель", отмьститель маеть быти въ гневе злотворяшчему. Блудять неціи, которие за грехъ мають, на уряде седячи, розбойника, или чужоложника, или иншого злочиньцу сказати на смерть и мають тое за милость або за милосердие. Але такова милость ест опачьнаа. Лепшей добрых миловати, нежели их врагов. Бо той добрих не милуеть, кто злымъ волю даеть, зачимъ добрие покоя мети не могуть.

ПЫТАНЬЕ

Што чинити маеть подданый або слуга, естъли бы ему господинъ его злую речь учинити велелъ?

ОТКАЗЪ

Богъ не тако далъ власть Царомъ и инымъ врядникомъ, абы Собе болшее не заховалъ. Прото маеть ся на повеленіе царево или иного которого господаря слуга намыслити. Если ся с повеленіемъ Божіемъ згодить, ино повиненъ яко Самого Бога слухати. Если пакъ напротивъ Богу и Его Слову -- не маеть чинити, бо написано: "Послушати подобаетъ Богови более, нежели человекомъ" (Деян. 5:29).

Коли ся царь Саоулъ на Ерея Ахимелеха и на сыны его розгневалъ, иже былъ принялъ Давыда и ести ему далъ, и онъ мечь, которим Голиафа убилъ, выдалъ, и велелъ Саоулъ в окрестъ стояшчимъ служебникомъ, абы которы скочивши убилъ Ахимелеха и сыны его. Лечь ни одинъ от стояшчих царского повеленія исполнити не хотелъ, разве Доикъ Ідумеанинъ волю цареву нечестиве учинилъ (1Цар. 21,22). Прото не маеть слуга або подданы только на тое гледети, естъли господарь што велел, але естли повеленіе его згожается з Божіемъ повеленіемъ.

Теперь много людей знають правду, нижли, господаровъ своихъ деля, исповедати ее не смеють. Лечь таковыи мели бы паметовати на Слово Хрістово, где рече: "Не бойтеся о убиваюшчих тело, душю же не могушчих оубити. Убойте же ся паче могушчаго и душю и тело погубити въ геене огньней". Прото естъли господарь указуеть або войну служити, або наостатокъ подачокъ платити, на остатокъ и в неволю повернути, маеть хрістіанинъ терпети и за нимъ Бога молити.

Але естъли противу Слова Божіего што чинити указуеть, не буди яко Доикъ, Саоуловъ похлебца, не чини, хотя бы самому животъ брали. Укажеть ли твой господарь иконом кланетися, паметуй противное Божіе Слово: "Не учиниши собе образа, ани ся ему поклониши", а по Апостолу - "Бегайте от ідолослуженіа" (1Іоан 5:21). Речет ли господарь: "Призывай святых вже усопших на помочь", откажи: "Господарь мой еси ты, але Богъ, старейшый Господь господьствуюшчим и Царь царствуюшчимъ, не потому мне велить, рекучи: "Господу Богу твоему поклонишися и Тому единому послужиши" (Мат. 4:10). Апостолъ пакъ сведчить, яко единъ ходотай Богу и человеком, человекъ Ісус Хрістос (1Тим. 2:5)". Потому жь и на иншие откажешь.

ПЫТАНЬЕ

Што повинни родители детемъ або врадники подданымъ своимъ?

ОТКАЗЪ

Родителемъ Апостолъ тако науку даеть, што повинни детемъ, где къ Ефесіомъ пишет: "Отци, не раздражняйте чад своихъ, но воспитайте я въ наказаніи и въ научаніи Господнемъ! (Ефес. 6:4). Три речи въ одно место спойлъ Апостолъ, што повинни Отци. Напервей - выхованье, потомъ - наказанье або каранье, а на остатокъ науку.

О выхованью або выживенью не надобе много говорити. Самое бо естество або прироженіе к тому тягнеть отца и матку, абы чадомъ выживенье давали. Лечь понеже того для Богъ людей на свет попустилъ, абы Его знали. Прото не только телу выживенья потреба, але и науки, наболей о Бозе. Яко и въ Законе написано: "Скажеши Слова Божія сыномъ твоимъ" (Втор. Зак). Ино отци повинни ся о дети старати, абы ся Божественное науки научили. То естъ, абы розумели о Бозе, о Законе Божіемъ, о благовествованью або о благодати Божіей, которую намъ о Сыне Своимъ далъ. Теже о страшномъ суде и о вечьномъ животе.

К тому ешче повинны родители научити сыновъ своих мастерства або ремества якого побожного, абы от него слушное выживенье напотомъ мели. Тако бо тотъ же Апостолъ на иномъ месте повелеваеть: "Да оучать же ся и наши добримъ деломъ прилежати, в нужная требованія да не будутъ бесплодны" (Тст. 3:14). Яко бы реклъ Апостолъ: "Нехай оучаться хрістіане наукъ потребныхъ, яко Писанію, богословію, потомъ иншие судьбам, лекарству и иным почтивымъ наоукамъ, теже и воинства, дабы церкви напотом услужити могли и оумели".

Видиши бо, яко Апостолъ повелеваеть: "Да не будуть, дей, бесплодны", -- по нашему: "Нехай не будуть непожиточные, але пожиточные". Паметуй же, яко не велить в печери лести, межи зверь в пустыню утекати, яко мнихи чинять и инымъ оуказують. А на што бо сее? Але хочеть Апостолъ, абы есмо для спасеніа ближных наших, межи нихъ живучи, всякие труды поднимали, часом и трудности терпели, верою, исповеданіемъ и послушеством светили, яко и Хрістос рече: "Тако да просветится светъ вашь пред человекы, яко да видять ваша добраа дела и прославять Отца вашего, иже ест на небесехъ" (Мат. 5:16). А яко бо Божественнаа наоука в людех множитися и рости маеть, не будутъ ли Пророкы, Апостоли и инъшие учители промешку людей жити, але по кельямъ, по лесом и кое где дремати або блудити?

А што Отци чадамъ, тое жь Господари подданным, кажный своим, повинни. То естъ, яко добрый отецъ питаеть свои сыны, а к тому добрим обычаемъ и реместву навчаеть и в наказанью держить, потому жь и каждый Господарь - Цар ли, княс ли, воевода ли, или бояринъ, или мешчанин - кто бы только мелъ подданых або ли семью, повиненъ, мовлю, имъ сие три речи. Напервей - выхованье, потом - наоуку, а третье - наказанье або каранье. Выхованье повинен дати, хотя жь не потому, яко отци детемъ, але станеть за его, если оного не здерешь подачками, серепшчизнами, пересудами, винами безвинными, службами тяжкими и иными вымыслами бесовскими не обложишъ а не вытягнешъ. Але о люте нашим обычаемъ. А кто таковъ теперечи ест до подданых, абы не дралъ, абы дивных дортылевъ ко вылупенью ихъ маетности не вымыслялъ? А кто на старих а звыклыхъ повинностях переставаеть?

Вси на тое ся удали, абы великие доходы мели, а потомъ, на убогих вымучивъши, на непотребные речи утраты безмерные ведуть. Иншый - на собаки накладаеть, иншій на непотребное будованье, иншый - на шаты збыточные, иншый - на пианьство, або на строе, або на похлебцы, або на игрю, а иншихъ речей не годитъся и говорити. А тое все от поту, або, радней, от крови убогых людей мусить господарь або силою, або хитростию вылупити.

Ест теже и тіи, которие на непотребные речи не терають, але мехи кое скрини напыхають, да вед же не лепшей за первых чинять. О сихъ Апостолъ тако пишеть: "Нубо ныне, богатіи, плачетеся рыдаюшчей о страстех ваших грядушчих, богатество ваше изгни, и ризы ваша молие поедоша. Злато ваше и сребро изоржаве, и ржа их во сведетелство противу вамъ будеть, и снесть плоти ваша, яко огонь" и прочая (Іак. 5:1-3). Плакатися велить Апостолъ богатымъ, але редъкого знайти, который бы плакалъ або бы каялъся того.

Другая речь, которую повинни панове подданымъ, естъ наука. То естъ повинны Господари старатися о подданных своих, абы их было кому оучити правдивое веры. Бо яко от подданных мають часные доходы, такъ, опять, мають имъ о духовных промышляти. Але и тому повиноватеству своему Господари не чинять досыть. Одни ложным учителемъ продають тые доходы, которие здавна на учители надано. А иншіи подъ себе заберають. Обои заровно грешать, а не только, ижь повинностей своих не чинять, але теже ижь святаа крадутъ або красти позваляють. А убогие люди великъ голодъ Божіа Слова терпять и у старом блуде за таковым голодом укрепляються. Што на онъ часъ вы, Господари откажете, коли на страшном суде станете? Како личьбу отдасте? Не вы ли у том винни, што подданые ваши Бога не знають? Покайтеся, покайтеся, бойтеся суда Божіа. Паметуйте на Давыда цара, яко и самъ Закона Божіего училъ подданых, и таковых людей, которие бы учили, мелъ. Паметуйте Соломона, яко докуле былъ не согрешилъ идолослужениемъ, потому жь чинилъ, то естъ, яко отецъ подданых и речію и Писаньемъ училъ, такъ иже ся и Екклесиастом, то есть казнодеемъ, написати не соромелъ. Возмите взорь от оного богочестивого Цара Іоудейскаго Осіи. О том написано, яко самъ, въступивши на кресло высокое, завешчал заветъ пред Господемъ (4 Цар. 22-23). То естъ наоучалъ подданых своих Слова Божіего.

Таковых бы и тепер Царей надобе. Але діаволъ не спить, забегаеть тому, яко можеть и умееть, верешчить черезъ свои сосуды, яко не годиться господаром Слова Божія ани учитися, ани людей навчати. Не твое дей, Господарю, дело. Лечь Духъ Святый у Святом Писанію не потому сведчить, но всехъ к тому напоминаеть, - а наболей князей или царей и иных господаровъ, - абы Законъ Божій розумелі. А чи не тако Духъ Святый на цари у псалме вопиеть або кличеть: "И ныне, царие, разумейте, накажитеся вси судяшчие землю. Работайте Господеви со страхомъ и радуйтеся Ему со трепетомъ. Пріимете наказаніе, або поцелуйте Сына" и прочаа (Пс. 2:10-12). Бачиш ли, яко Духъ Святый повелеваеть царом розумети а придаеть "ныне", абы не откладали. Ешче велить таки им же наказатися, а діаволъ отстрашаеть вереском своим: "Не твоя речь, господарю".

По третье, велить работати Господеви. А как же лепшей цар или князь поработаеть Господеви, развей естли подъданымъ откриеть волю Его, абы ю чинили. Опять, у другомъ псалме той же Духъ рече ни на кого иного, только на цари а на господари: "Возмете врата князи, ваша и возмитеся врата вечьная, да вніидеть Царь славы" (Пс. 23:7). У томъ теже стиху показуеться, яко много на господарехъ належить, коли отверають врата до своихъ землъ Цару славы, то естъ Божіему Слову. То пакъ отвераеть княз ворота Божіему Слову, коли ся о томъ стараеть, абы было, кто бы оное проповедалъ. Але о томъ вже нехай будеть досыть.

Третяа речь, которую повинни Господар и подданым своимъ, естъ, по Апостолу, наказание, але о томъ вже вышшей было. Повинни теже подданымъ панове оборону, але ся таа замыкаеть и розумееть под выхованьемъ. Бо и покой залежить ко выхованью, о которомъ вже есмо мели.

Окроме того, повинни Господари стеречи обеюхъ дошчок заповедей Божіих, абы противу имъ подданые не чинили. Повинни постановити и церкви, и училишча або схолы. Повинни карати Епикуреовъ, ідолослужителей, лжеучителей, волхвовъ и кривокленушчихся. Да нехай обороняють цноту, мирь, маетности убогих и суды нехай чинять потому, яко иные заповеди учять. Абы не убивано, не чужоложоно, не крадено, ложне не посведчано, абы тако мирь былъ межи людей. Бо и Апостолъ тако къ Тімофею пишеть: "Молю оубо прежде всего творити молитвы и моленіа, прошеніа, благодареніа за вся человекы, за цара, и за вся, яже въ власти сушчих, да тихо и безмолвено житие поживемъ въ всякомъ благоверіи и чистоте" (1Тім. 2:1-2).

Для того велить Апостолъ молитися за властителей, абы есмо тихо и безмолвено пожити могли. Але не только тое обачь, яко Апостолъ для для мира молитися за господари указуеть, лечь и тое розбачити надобе, для чого мирь потребный. Сего света бо людие для тое причины мирь, або покой, любять, абы тако у роскошахъ а того живота сластехъ жити могли. Але Апостолъ не для того мира жадаеть, но абы ся вера Хрістова а добрие норовы ширити могли. Бо тако рече: "Да тихо и безмолвено поживем въ всяком благоверіи и чистоте". Не рече: "Въ всяких сластехъ, збыткахъ и иных таковых".

Памятуй же, для чого потребный мирь или покой Христианомъ, - абы ся заховати могло благоверіе и чистота. То естъ абы была слобода учити церковъ, наказовати молодых людей и добрим норовом приставляти. Бо тое дело потребуеть мира або покоя. Брань пакъ или война мешаеть тые речи. Бо нельзя за людемъ сходитися певных часовъ на певные места. Нельзя наказанья норовом постановляти, судовъ чинити, наставником платити, дела кажного дозерати, приходовъ отберати, естъли бы, мовлю, мира Богъ не далъ. А на том о повинностех господарских на тотъ час досыть.

ПЫТАНЬЕ

Подданные, опять, што Господаромъ своимъ должни?

ОТКАЗЪ

Напервей повинни ся подданные за свои господари молити Богу, яко есмо от Апостола чули, хотя жь добрие будуть, хотя жь и недобрые.

Повинни их справы на добрую сторону выкладати, а о них не мають лихо говорити ани осужати, яко Богъ Моисеомъ написалъ: "Богомъ да не поругаешися и князю людей твоих зла не речеши" (Исход 22:28).

Повинни их у великой чти мети.

Повинни имъ добра жычити.

Повинни имъ звыклые подачки платити и часу потребы незвыклых поступовати, только бы могли изнести.

А коротко говорячи, оное ся наоуки подданые мають деръжати, которую даеть Апостолъ, тако къ Римляном пишючи: "Роздадите всем долгы: ему же уброкъ, - уброкъ, ему же дань, дань, ему же страх, страх, ему же честь, честь".

Потому жь дети родителем своим повинни служити, любити, слухати, надъ тое живити, приодевати и всякую вчасность чинити. Тежь грехы ихъ закривати. Яко учинили сынове Ноего Симъ и Iафетъ, коли ся ихъ отецъ, спивши виномъ, обнажил, они, закривши собе очи и отворотивши лица своя, покрили срамоту его. Тако повинны сынове чинити отцом своим, а подданые - господаромъ, ученицы - учителемъ, овцы - пастыромъ.

Лечь теперь подданые в обычаю того не мають, хотя жь легкие грехи господаровъ своих видять, гудять и розширають, а часом, хотя жь чого не чинять, на них складають и на лихоимание их нарекають. А того не обачають, иже тое сами у Бога заслугують, абы имъ таковые господари давалъ. Iовъ бо пишеть, яко Богъ царствовати допушчаеть человека лицемера, грехъ людьских деля (Iовъ 34???). А прото хотя жь бы Господарь былъ не устроиливъ, не мають подданые о ним клеветати, ниже его злоречити, але покаятися а къ Богу молитися, абы сердце господарское инуды повернулъ, понеже у руках Его Самого естъ, яко Соломон написалъ: "Той Самъ накланяеть е камо въсхочеть" (Прит. 21:1). Надобе, мовлю, подданым покаятися, а къ Богу навратитися. Бо таковым обецалъ дати пастыре по сердцю Своему (Еремі 3), о чомъ у Пророка тако рече: "Обратитеся къ Мне, сынове, наврашчаюшче, рече Господь, яко Азъ обладати буду вами и пріиму вас, единого от града и два от рода. И въведу вас на Сіонъ, и дам вам пастыре по сердцу Моему, и пасти будутъ васъ пасаій з разумомъ".

Видиш ли, яко по обычаемъ людей даеть имъ Богъ преложеные и пастыре? А такъ, не маем на господари, естъли бы тяжкие были, але сами на себя нарекати и виновати.

ПЫТАНЬЕ

Яко Богъ караеть проступники сего пятого слова? То естъ и отцевъ або панов, и дети або подданых, коли не чинять повинностем своимъ досыть?

ОТКАЗЪ

Обецал Богъ карати и караеть уставичне яко дети непослушные, тако родители недбалые. Потому жь преложоных и подданых, которие не памятують на свой урадъ. А напервей о родителех маемъ на взор Илиа жерца, который ачь самъ былъ побожный, але иже сынов своих не казнилъ, вельми Бога розгневалъ, иже и Богъ от себе откинулъ (1 Цар. 2).

Сам теже Христос поведелъ тако: "Кто бы соблазнилъ единого от малых сих, веруюшчих в Мя, оунее ему да обеситься жерновъ осельскій на выи его, и потонеть въ пучине морстей" (Мат. 18:6).

Потом о пастырехъ злыхъ явное письмо, иже тяжко мають быти карани. Наболей у Пророка Езекіила тако им Богъ мстити обецуеть: "Внегда глалолю безаконнику: "Смертию умреши", ты же не возвестиши ему, ни съглаголеши, крови его от руки твоея взышчу" (Езекі 33:8). А на ином месте у того ж Пророка тако написано: "Се глаголеть Адонай Господь, оле пастухи Iзраилеви. Еда пасутся пастуси сами? Не овця ли оубо пасут пастуси? Се млеко ядасте, и волною одевастеся, и тучное закалясте, а овецъ Моих не пасосте. Немогшагося не подясте, и боляшчаго не врачевасте, и сокрушенаго не обязасте, и оуязвенага не зарастите" и прочая (Езекі 34:2-4). И на конецъ тако рече: "Занеже не бе пастыря, ниже посешчаху пастыри стада Моего, но пасошя пастыри сами себе, а овецъ Моих не пасошя. Сего ради слышите Слово Господне, се глаголеть Адонай Господь: Се Азъ на пастухи, и взышчу овецъ Своих от руку их" и прочаа.

Нехай бы погледели обои пастыри - и духовные и земские - до тое главы, ачей бы пильнейшими стали вряду своего. Тое жь знайдешь у Пророка Iсаій с початку пророчества, где оных князей, которые для посулъ злочинчовъ не карають, обешчники татем зоветь. Читай теже о пастырех у того жь Iсаіи главу 56, у Iереміи - главу 24, у Захаріи - главу 11. И на иных местех.

Детем теже и подданымъ непослушным назначилъ Богъ каранье у том же слове, где рече: "Естли хочешь долго жити на земли". Яко и сами на око видимъ, ижь сынъ непослушный або который бы отца не чтилъ не можеть долго быти на свете. Велелъ Богъ таковых убивати (Исход 21). А хотя жь урядъ не караеть, предся Богъ мститься над таковым, ижь его або кто забиеть, або повесять, яко Соломонъ въ Притчах написалъ: "Око ругаешчиеся отцу своему, иже гордит плодом матеры своея, выклюють е вранове от дебріа и снедять е птенци орли" (Прит. 30:17).

И маемъ много таковых взоровъ у Святом Писанью, яко ся ни одному сыну не минуло, который въ чти отца своего не мелъ. Хамъ, Ноего сынъ, иже ся с пианого отца насмеялъ, проклятъ и с потомством на веки (Бытя 9), абы былъ неволникомъ.

Авесаломъ, иже противу отца своего Давыда руку поднялъ, на дереве за волосы повислъ и убитъ (2 Цар. 18).

Амалехитянина велелъ Давыд убити (2 Цар 1), иже сам на себе сказалъ, яко царя Саоула убилъ.

Сестра Моисеова Маріам прокаженіемъ от Бога скарана была, иже противу Моисеа врядъника говорила (Числа 12). Прото Соломон написалъ: "Бойся Господа, сыну мой, и Царя, и съ насмеваючи не дружися, яко скоро приходить погибель их" (Прит. 24:21).

Корея, Дафана и Абирона земля живых пожарла, иже противу Моисеа и Аарона репътали (Числ. 16).

За нашое оуже памяти у Немецских сторонахъ докольки десять тисечей людей сельских убито, иже были въстали противу господаром своимъ. Павелъ бо Апостолъ рече: "Противляшчейся власти, собе судъ пріемлють" (Рім 13:1). Тое же и Самъ Господь къ Петру поведелъ: "Вси пріемшеи ножь, ножемъ погыбнуть" (Мат. 26:52). Той пріимаеть ножь или меч, кому его Богъ не даеть, але ся самъ за нь береть. Яко розбойники и вси, которіе силою люди подъ себе заберають а собе им служити велять.

ПЫТАНЬЕ

Што тым будеть, они же тому пятому слову послушни?

ОТКАЗЪ

Отци, которіе чада своя по повеленію Божіему в благоверію и в наказанію выховывають, великою потомъ потеху с них мевають. Яко Духъ Святый Давыдом обецалъ, где тако пишеть: "Жена твоя яко лоза плодовита въ странах дому твоего. Сынове твои яко новорасли маслинные окрест трапезы твоея" (Псалом 127:3). Соломон теже рече: "Сынъ мудрый возвеселить отца" (Прит. 23:22). Тако былъ Богъ Iакова оувеселилъ, егда увиделъ сына своего Iосифа всее земли Египетское господаремъ (Бытя 47). Потому же Давыд веселъ былъ, коли Соломона на престоле своим оузрелъ (3 Цар. 1).

Пастыром теже добримъ обецуеть Хрістос, яко будуть мети часть у Царствіи Небесномъ. Тако бо у притчы рече: "Блазенъ рабъ той, его же пришед господин его обрашчеть тако творяшча. Аминь глаголю вамъ, яко над всемъ именіемъ своим поставить его" (Мат 24:46-47). А в притчы о талантех оному, который пятию талантъ другую пять принялъ, то ест который много людей къ Богу навернулъ, тако рече: "Добрый рабе, благы и верный, въниди в радость Господина своего" (Мат 25:21). Даніилъ теже пишеть, яко учени процветуть, акы светъ небесный. И кои къ правде наоучают многыхъ, акы звезды въ вечные вечности (Дані 12).

Господари, которіе подданыхъ своихъ любят, право судять и уряду своему досыть чинять, не могуть без того быти, абы им Богъ не благославилъ. Яко Самуилъ къ Саоулу и подданным его рече: "Будете ли ся бояти Господа, и поработаете Ему, и послушаете ли гласа Его, и не отвержете ли ся словесъ Его, будете и вы и Царь, иже царствуеть над вами, наследуюшче Господа Бога вашого" (1 Цар 12). То естъ благословени будете во всех делех своих, и царство долго стояти будеть.

Тое жь написалъ Соломонъ, где рече: "Царь он же судить въ правде нишчимъ, престолъ его въ веки оукрепится" (Прит. 29).

Справедливым господаром даеть Богъ и долгие лета, яко тот же Соломон рече: "Царь он же возненавидить неправды, долго время поживеть" (Прит 28).

Таковым господаром даеть Богъ силу на их враги, яко Давыду, Езекію и прочим.

Даеть имъ и потомство, яко написано: "Силно на земли будеть семя его, родъ праведных благословиться, слава и богатество в дому его" (Псалом 111).

Потому жь и чада або молодые люди мають и обетницы многие, и приклады. Яко напервей у том же таки слове придана естъ обетница, где Богъ рече: "Хочеши ли долго пожити на земли". Которих слов не маемъ собе такъ легко важити, але им достаточне верити, ижь то певна речь, кто послушенъ старшимъ, того Богъ на земли долъго заховуеть и всем его деломъ благословить. Яко на взорь маемъ сыны Ноя - Іафета и Сима - которим Богъ благословилъ, иже отца своего въ оучтивости мели (Бытя 9). У пророка Ереміи о сынех Іонадавовых написано, иже вина пити не хотели того для, яко имъ отецъ былъ заповедалъ. А ижь вельми статочніи у томъ были, велелъ имъ Богъ Ереміи тако поведети: "Се глаголеть Господь: Понеже послушашя сынове Іонадавли сына Рихавова заповеди отца своего творити, елико заповеда имъ отецъ ихъ, не оскудееть мужь сыновъ Іонадавлихъ сына Рихавля, предстояй пред лицемъ Моим, вся дни земля" (Іерем 35). Мели бы сынове и вси, которіи над собою Господаровъ мають, добре на тотъ взор памятати, абы верили, яко их послушенство, которое старшимъ чинять, естъ речь вельми Богу вдячнаа, которую от нихъ тако пріимаеть, яко бы тое Ему Самому чинили. Прото бо и Апостолом поведелъ: "Иже васъ приемлеть, Мене приемлеть" (Мат 10:40). Апостол теже паробком тако пишеть, абы своим господаром не такъ служили, яко человеком, але яко Самому Хрісту (Ефес 6:7). Великая то естъ потеха и неволникомъ, коли ведають, иже их послуга, или робота, подобаеться Богу.

Далей

Зьмест

Тытульны аркуш